Íslensku tónlistarverðlaunin voru afhent í Silfurbergi í Hörpu síðastliðinn föstudag og þar var að sjálfsögðu saman komin öll tónlistarelíta landsins. Þrátt fyrir að einhverjir hafi verið ósáttir þegar tilnefningar voru kunngjörðar í febrúar og hafi meðal annars þótt íslenska rappsenan sniðgengin, þá virðast allir hafa vera glaðir á hátíðinni.
Baggalútar Þeir Karl Sigurðsson og Guðmundur Pálsson voru flottir á verðlaunaafhendingunni.
Tvær glaðar Valgerður Guðnadóttir og Sigga Eyrún stilltu sér upp fyrir ljósmyndara.
Dívur Þær voru heldur betur glæsilegar söngkonurnar Védís Hervör Árnadóttir og Margrét Eir Vilhjálmsdóttir.
Glæsilegar Þær Birna Rún Gísladóttir og Brynhildur Einarsdóttir nutu sín vel í Hörpunni.
Sposkir á svip Tónlistarmennirnir Einar Örn Guðmundsson og Sigurður Guðmundsson voru ekkert að sprella fyrir ljósmyndarann.
