Kvikmyndin Hrútar var sigurvegari Edduhátíðarinnar sem haldin var síðastliðið sunnudagskvöld. Myndin hlaut alls 11 verðlaun, var meðal annars valin besta myndin og fékk verðlaun fyrir leikstjórn. Ófærð var sjónvarpsefni ársins. Sigurður Sigurjónsson var leikari ársins fyrir leik sinn í Hrútum og félagi hans Theodór Júlíusson var valinn besti aukaleikarinn fyrir leik í sömu mynd. Steinunn Ólína Þorsteinsson var valin besta leikkonan fyrir leik sinn í Rétti og Birna Rún Eiríksdóttir besta leikkona í aukahlutverki í sömu þáttum. Ragna Fossberg, förðunar- og hársérfræðingur hjá RÚV, fékk sérstök heiðursverðlaun.

[[7558B9AE11]

Sjónvarpsmaður ársins Hinn snöfurlegi Helgi Seljan ásamt konu sinni, en hann var valinn sjónvarpsmaður ársins.

Glaður heiðursverðlaunahafi Hin hæfileikaríka Ragna Fossberg og Björn Emilsson, en Ragna fékk heiðursverðlaun Eddunnar. Hún hefur nokkrum sinnum unnið til Edduverðlauna.