Leikarinn Channing Tatum segir að það hafi tekið sinn toll, bæði andlega og líkamlega, að léttast fyrir hlutverk í myndinni Roofman.

Channing, 45 ára, léttist um 32 kíló fyrir hlutverkið.

„Ég var upphaflega búinn að ákveða að létta mig niður í 84 kíló, en svo, þegar ég var kominn af stað, þá hélt ég áfram að léttast og ég varð að lokum 78 kíló,“ sagði leikarinn í samtali við Variety.

Aðstoðarleikstjóri myndarinnar, Mariela Comitini, hafði áhyggjur af þessari þróun og talaði við hann. „Og ég var alveg: „Ég held þú hafir rétt fyrir þér, þetta er skrýtið.“

Leikarinn sagði að því meira sem hann léttist því meira hrakaði andlegri heilsu hans.

„Ég fann fyrir tómleika tilfinningu og leiða. Ég sá mig sjálfan í speglinum og fannst ég holur að innan,“ sagði hann og bætti við að eftir tökur á myndinni hafi tekið tíma fyrir hann að líða betur.

Roofman kemur út í október næstkomandi.