Þjálfarinn og flugfreyjan Sara Davíðsdóttir er hreinskilin í nýrri færslu á Instagram þar sem hún segir það sem sumum mun kannski finnast erfitt að heyra. Hún kallar þetta „hard truths“ og segir að þetta myndi hún vilja segja við fólk ef hún væri ekki hrædd um að særa tilfinningar þeirra.

„Það er örugglega einhver sem þarf að heyra þetta í dag,“ segir hún.

 

View this post on Instagram

 

A post shared by Sara Davíðsdóttir (@saradavidsd)

„Flest okkar vita hvað við „eigum“ að gera: Hreyfa okkur reglulega, passa hvað við látum ofan í okkur, fá nægan svefn og hugsa betur um okkur sjálf. En það sem heldur okkur aftur eru ekki skortur á upplýsingum – heldur er það er í 90 prósent tilfella hugarfarið. Vani. Afsakanir. Óþolinmæði.“

Sara telur upp níu atriði, eða „hard truths“, sem hjálpuðu henni að ná árangri á sínum tíma og eitthvað sem hún segir reglulega við fólk í Zone þjálfun hjá henni.

„Af hverju? Því ég veit að hver einasta manneskja getur náð öllum þeim árangri sem hana dreymir um að ná, ef hún hættir að bíða og byrjar að framkvæma.“

1. Ef þú æfir bara „þegar þú nennir“ verður árangurinn þinn eftir því

2. Það er EKKI nóg að æfa alla daga til þess að sjá árangur

3. Þú „þarft“ ekki að æfa í dag – þú færð að gera það!

4. Þú þarft ekki meiri hvatningu, þú þarft bara að standa við það sem þú sagðist ætla að gera

5. Þú munt EKKI fitna þó þú borðir „óhollt“ í einn dag (eða nokkra daga) – alveg eins og þú munt ekki grennast þó þú borðir „hollt“ í einn dag (eða nokkra daga)

6. Það að taka 2-3 vikna pásu frá hreyfingu og mataræði alltaf þegar lífið verður smá erfitt, er mjög líklega ástæðan fyrir því að þú ert föst/fastur á sama stað

7. Það að vera í besta formi lífs þíns hefur ekkert (eða allavega mjög lítið) með útlit að gera

8. Það að „vilja ná árangri“ og „að vera tilbúin að gera það sem þarf“ er ekki það sama

9. Þig vantar ekki meiri tíma. Þig vantar bara smá forgangsröðun og aðeins betra skipulag

Fylgdu Söru á Instagram, en hún er dugleg að deila alls konar fróðleik um heilsu og hreyfingu.