Óskarsverðlaunaleikkonan Regina King er niðurbrotin eftir að hennar fyrrverandi, Malcolm-Jamal Warner, lést í vofveiflegu slysi í gær. Warner, sem var þekktastur fyrir hlutverk sitt sem Theodore í The Cosby Show, drukknaði í sumarfríi í Kosta Ríka og minnist King hans í hjartnæmri færslu á Instagram síðu sinni.

King og Warner áttu í ástarsambandi á árunum 2011 til 2013 en þau höfðu þekkst frá barnæsku. Á meðan The Cosby Show tryllti heimsbyggðina lék King í öðrum þáttum, 227, frá sama framleiðslufyrirtæki, sem fóru ekki eins hátt. Í viðtali árið 2011 sagði King að þessi sameiginlega reynsla þeirra sem barnastjörnur gerði það að verkum að þau næðu vel saman.

Það kom því eins og þruma úr heiðskíru loftið þegar Warner ákvað að enda samband þeirra. Hafði þá King flutt inn á heimili hans ásamt syni sínum úr fyrra samband og þurftu þau mæðginin að finna sér annan samastað.

Háværir orðrómar um hatrammar illdeilur gerðu það að verkum að King sendi frá sér yfirlýsingu um að ekkert væri fjarri sanni, samskipti þeirra væru með ágætum þrátt fyrir að sambandið væri á enda. Á Warner að hafa sent leikkonunni heimsþekktu blóm eftir skilnaðinn þar sem hann sagðist en elska hana.

Warner lét eftir sig eiginkonu og dóttur en þeim hélt hann kyrfilega frá kastljósi fjölmiðla.