Töluverðar vangaveltur hafa verið í Hollywood undanfarnar vikur og mánuði um að hjartaknúsarinn og stórleikarinn Leonardo Di Caprio sé byrjaður að nota þyngdarstjórnunarlyf á borð við Ozempic. Þykir hann hafa misst kílóin ansi hratt í vor og sumar.

Ljósmyndir náðust af hinum fimmtuga Di Caprio léttklæddum á snekkju ásamt unnustu sinni, hinni 27 ára gömlu Vittoria Ceretti. Tóku margir aðdáendur eftir því hversu miklu grennri hann virtist vera en á undanförnum árum. En Di Caprio hefur verið nokkuð búttaður.

„Fæturnir eru eins grannir og á kærustunni,“ sagði einn notandi á samfélagsmiðlum um myndirnar. En kærastan er ítölsk fyrirsæta með mjög grannar lappir.

„Hann er ekki grannur, hann er að halda inni andanum fyrir myndavélarnar af því að hann stendur við hliðina á blýanti,“ sagði einn netverji og átti þá við Ceretti. Annar benti á að það sé ekki hægt að halda inni andanum í fótunum. „Hún er með flottan líkama. Hefur Leo misst þyngd í löppunum?“

Leonardo DiCaprio, 50, shows off recent weight loss with bikini-clad Vittoria Ceretti, 27, aboard yacht in Saint Tropez https://t.co/WHvtv9ritU

— Daily Mail Australia (@DailyMailAU) July 19, 2025

En það eru ekki aðeins fæturnir sem virðast vera orðnir grennri. Vömbin einnig.

„Hann lítur út fyrir að vera minni um sig miðjan,“ segir einn netverji. „En hann lítur einnig út fyrir að vera skvampkenndur og án vöðvauppbyggingar. Hann er aðeins einni máltíð frá því að fá vömbina aftur.“

Hafa því margir velt því fyrir sér hvort Di Caprio sé byrjaður að nota þyngdarstjórnunarlyf. Að hann hafi misst fitu án þess að byggja upp vöðva í staðinn.