Bandarísku leikarahjónin Alison Brie og Dave Franco nutu veðurblíðunnar í Grittith Park garðinum í Los Angeles fyrr í vikunni.

Á myndum af hjónunum sem rötuðu á samfélagsmiðla má sjá Brie klippa táneglurnar á Franco, á meðan hann skrollar í gegnum símann sinn, afar áhugalaus með dekstur Brie.

Netverjar sögðu skoðun sína eins og fyrri daginn, mörgum fannst athæfið ógeðslegt á meðan einhverjum datt í hug að parið væri með þessu að auglýsa væntanlega hryllingsmynd sína, Together, þar sem þau leika par sem er meðvirkt.

„Þau eru bæði gamanleikarar. Þau eru vön að gera svona hluti, myndatökumaðurinn er örugglega á þeirra vegum,“ sagði einn netverji. „Þetta er pottþétt sett á svið, og ef ekki, þá er einstaklingurinn sem tók þau upp enn furðulegri en þau,“ sagði annar. „Þau eru örugglega að gera þetta fyrir nýju myndina þeirra, af hverju ættu þau annars að vera að þessu á almannafæri?“ spurði sá þriðji.

Einn sagði þetta athæfi ógeðslegt á almannafæri, en að gera þetta fyrir maka sinn prívat væri líka afar furðulegt.

Hjónin hafa verið gift síðan árið 2017 og unnið að fjölda mynda saman.