Leikkonan Sarah Michelle Gellar deildi í gær hjartnæmum minningarorðum um vinkonu sína, leikkonuna Shannen Doherty.
Doherty lést 13. júlí fyrir ári, aðeins 53 ára að aldri, eftir að hafa lengi glímt við brjóstakrabbamein.
Ári síðar minnist Gellar vináttu þeirra og góðu stundanna með því að deila myndaröð af þeim saman á Instagram.
View this post on Instagram
Gellar og Doherty voru vinkonur í yfir 30 ár. Í minningarorðum um Doherty skrifaði Gellar: „Ég held áfram að minna mig á að þetta særir bara svona mikið vegna þess að það var svo mikil ást á milli okkar.“
Gellar studdi Doherty í gegnum allt veikindaferlið og varði hana í umræðum um samstarfserfiðleika Doherty á tökustað sjónvarpsþáttanna Charmed.
„Það sem er ótrúlegt við hana er, gallar og annað, að hún sýnir allar tilfinningar,“ sagði Gellar við E! News í viðtali í febrúar 2024. „Ég mun styðja hana. Ég veit að þetta var ekki auðveldasti tíminn í lífi hennar, en hún er önnur manneskja núna.“
