En nú vara sérfræðingar við nýrri aukaverkun sem hefur verið að koma í ljós sem hefur fengið viðurnefnið „Ozempic munnurinn.“
Tímaritið Hello greinir frá þessu og segir að tannlæknar hafa miklar áhyggjur af hvaða áhrif þyngdarstjórnunarlyf sem tilheyra flokki glúkagonlík-peptíð-1 (GLP1), eins og Ozempic, Wegovy og Mounjaro, hafa á tannheilsu sjúklinga.
Það hefur líka aukist að fólk sé að leita upplýsinga um „Ozempic + tennur“ á Google, það hefur allt að hækkað um 200 prósent síðustu vikuna.
Sjá einnig: Læknar hafa áhyggjur af áberandi aukaverkunum Ozempic – Augljóst meðal elítunnar í Hollywood
Tannlæknirinn Dr. Sofina Ahmed ræddi við tímaritið um málið og sagði að notendur lyfjanna þyrftu að vera á varðbergi.
„Ozempic munnur“ er óformlegt heiti yfir þau tannheilbrigðisvandamál sem koma upp hjá notendum lyfjanna. Algengustu vandamál eru munnþurrkur, aukin viðkvæmni í tönnum, munnangur, tannholdssig, andlitsvöðvatap og sjáanleg öldrunareinkenni í kringum munn, sem breytir brosi einstaklingsins.
„Þetta getur komið flatt upp á sjúklinga,“ segir tannlæknirinn.
„Þeir eru að einblína á þyngdartap og átta sig ekki á því hvað þetta getur haft mikil áhrif á tannheilsu. En munnvatn, hversu oft og mikið þú tyggur og hormónajafnvægi gegnir allt mikilvægu hlutverki við að viðhalda heilbrigðu brosi.“
Dr. Ahmed hvetur fólk til að drekka nóg af vatni reglulega yfir daginn. „Jafnvel þó þú finnir ekki fyrir þorsta,“ segir hún og nefnir nokkur atriði til viðbótar:
Örva munnvatn, eins og að sjúga sykurlausa myntu eða vera með sykurlaust tyggjó getur hjálpað til við að auka munnvatnsframleiðslu náttúrulega.
Nota tannkrem með 1350-1500 ppm af flúor.
Forðast mjög súrt eða sykrað snarl, borða frekar ávexti og grænmeti, eins og epli og sellerí.
