Tru Kait segir þessi partý kallast mörgum nöfnum, eins og swing-partý, kynlífspartý, kynsvall eða eins og hún kýs að kalla þau: Lífsstílspartý.
Það er mikil dulúð í kringum þessi partý, því í raun getur hver sem er verið þarna. „Eins og samstarfsmaður, nágranni eða jafnvel kennarinn þinn,“ segir Kait.
„Það hafa verið leikstjórar, leikarar, þekktir fyrirtækjaeigendur, lögmenn, fjármálastjórar, kennarar og skurðlæknar. Þetta er fólk sem fer í kirkju og á fjölskyldu […] Þið eruð bara eitthvað að spjalla um vinnuna þeirra eða börnin þeirra eða hundana, og síðan eruð þið að ríða nokkrum klukkustundum seinna.“
Kait segir að fyrsta kynlífspartýið sem hún fór í var í september 2019 í glæsilegri höll í Hollywood.
Hún segir að það hafi verið BDSM-þema en ítrekar mikilvægi þess að allir aðilar veiti samþykki.
„Þetta tekur tíma en þú þarft að tala við manneskjuna, kynnast henni, tala um eigin mörk og hlusta á hennar mörk, hvað henni finnst og finnst ekki gott,“ segir hún.
„Við tölum alltaf saman áður en eitthvað kynferðislegt gerist. Stundum vill fólk bara horfa á, stundum er dýnamíkin þannig að konan vill stunda kynlíf með öðrum á meðan eiginmaðurinn horfir á. Þetta er alls konar.“
Kait nefnir aðra reglu, en þeir sem brjóta hana brjóta einnig lögin. „Það eru mjög strangar reglur varðandi að sofa hjá ölvaðri manneskju. Ef einstaklingur lítur út fyrir að hafa drukkið of mikið eða neytt of mikilla fikniefna, þá þarftu að vera meðvitaður um það. Ef þú stundar samt kynlíf með henni þá ertu í miklum vandræðum, því manneskja í þessu ástandi getur ekki veitt samþykki.“
Kait hvetur fólk til að fara í þessi partý með opinn huga og ráðleggur konum að taka einhvern sem þær treysta með í partýin.
„Ég mæli klárlega með að stelpur taki einhvern sem þær treysta því þessi partý eiga það til að fara úr böndunum og verða frekar klikkuð.“
