Þórhildur heldur úti Instagram-síðunni Sundur og saman og hefur um árabil verið opin með þá staðreynd að hún og eiginmaður hennar eru í opnu sambandi. Hún segir frá sambandsslitum með kærasta sem hún gekk í gegnum fyrir nokkrum árum og hvernig það breytti stefnu hennar.
Sjá einnig: „Eftir langar umræður við manninn minn ákváðum við að opna sambandið“
Hún opnar sig um þetta í einlægum pistli á Instagram.
„Ég var svo ástfangin, hann kom í líf mitt eins og stjörnuhrap. Bjartur, hraður, ógleymanlegur,“ segir hún og bætir við að hann hafi sýnt henni hluta af sér sjálfri sem hún hafði ekki áður kynnst.
„Það er stærsta gjöfin sem manneskja getur gefið þér […] Það er fegurðin við að eiga mörg sambönd.“
View this post on Instagram
Þórhildur segir að ást þeirra hafi verið ástríðufull, óreiðukennd og falleg. „En ég var týnd þegar það byrjaði að flosna upp úr sambandinu. Þannig ég flúði og fór í jóga retreat, í von um að kjarna mig á ný.“
Sjá einnig: Þórhildur:„Ég blanda tantra inn í allt sem ég geri“
Þar var ekki aftur snúið og fann Þórhildur eitthvað sérstakt. „En þegar við vorum saman þá var ég alltaf að bíða. Ég var svo spennt fyrir „okkar“ draumum. Við vorum með svo ótrúlegar hugmyndir og plön saman (og ég hafði ekki enn áttað mig á eigin krafti.) Það var ekki fyrr en því sambandi lauk að ég sagði loksins já við eigin sýn.“
Í kjölfarið hélt Þórhildur fyrsta Fullvalda retreat viðburðinn og er nú stödd á Spáni þar sem hún mun taka á móti hópi kvenna í þriðja skipti.
„Þessi ástarsorg kveikti bál í mér til að láta hlutina gerast,“ segir hún.
Fylgstu með henni á Instagram.
