Electric State er ný kvikmynd úr smiðju Netflix þar sem Brown fer með aðalhlutverk ásamt Chris Pratt. Hún er núna í kynningarherferð fyrir myndina en í stað þess að fólk sé að ræða um það þá er útlit hennar orðið aðalumræðuefnið.
Eins og fyrr segir fóru myndir af Millie í dreifingu og var farið hörðum orðum um útlit hennar. Ekki nóg með það þá birtust greinar um hana og útlit hennar í slúðurmiðlum vestanhafs þar sem hún var meðal annars sökuð um að hafa „gert eitthvað við útlit sitt“ og að einhver hafi haldið að hún væri móðir systur sinnar, svo fátt sé nefnt. Brown tók fyrir þessar greinar í svari sínu á Instagram, myndbandið má horfa á neðst í fréttinni.
„Ég vil tjá mig um svolítið sem ég held að sé stærra en bara ég. Eitthvað sem hefur áhrif á allar ungar konur sem alast upp í sviðsljósinu,“ sagði hún.
„Ég byrjaði í bransanum tíu ára gömul. Ég ólst upp fyrir allra augum en það er eins og fólk geti ekki þroskast með mér.“
Brown sagði að það sé eins og fólk ætlist til þess að hún muni alltaf líta eins út, eins og hún gerði þegar hún lék í fyrstu þáttaröð af Stranger Things.
„Og af því að ég geri það ekki þá er ég orðin að skotmarki,“ sagði hún og gagnrýndi einnig þá fjölmiðla vestanhafs sem höfðu gert lítið úr útliti hennar.
„Það að einhverjir fullorðnir einstaklingar séu að eyða tíma sínum að greina andlit mitt, líkama minn og ákvarðanir mínar, það er óhugnanlegt,“ sagði hún og bætti við að henni þykir verra að sjá þegar aðrar konur skrifa umræddar greinar.
„Ég neita að biðjast afsökunar fyrir það að þroskast og vaxa úr grasi. Ég neita að vera minni til að standa við einhverjar óraunhæfar væntingar fólks sem ræður ekki við að sjá stelpu verða að konu.“
Prófaðu að smella hér eða endurhlaða síðuna ef þú særð ekki myndbandið hér að neðan.
View this post on Instagram
