Netverjar gagnrýna raunveruleikastjörnuna Kim Kardashian harðlega fyrir „óþarfa“ jólaskreytingar hennar, sem innihalda tugi trjáa.
Snemma þriðjudagsmorgun deildi Kardashian á Instagram Stories myndböndum af jólaskreytingum sínum. Í myndskeiðinu var gangur Kardashian fullur af tugum upplýstra jólatrjáa þakin gervisnjó.
„Við vorum að klára að skreyta fyrir hátíðarnar,“ sagði hún í myndbandinu. „Ég get ekki einu sinni byrjað að útskýra fyrir ykkur hvernig þetta lyktar og hvernig þetta lætur okkur líða. Þetta er alveg brjálæðislegt. Lítið á ganginn.“
Sumir netverjar töldu Kardashian hafa farið út í algjörar öfgar með skreytingarnar.
„Algjörlega óþarfi, ástæða þess að hún stóðst ekki prófið,“ sagði einn vísandi til þess að Kardashian féll nýlega á lögmannsprófinu í Kaliforníu.
„Lítur tómt út fyrir mér. Eins og kærleikslaust heimili. En hvað veit ég,“ bætti annar við.
„En af hverju þarf einhver svona mörg jólatré í húsinu sínu?“ spurði sá þriðji.
„Hún er svo klisjukennd og fólk heldur bara áfram að haga sér eins og hún sé tískufyrirmynd!“ fullyrti næsti.
„Lítur út eins og geymslusvæði fyrir tré. Ekkert fínt, stílhreint eða fallegt við þetta,“ sagði annar.
Einn lagði til að Kardashian ætti að gefa „nokkur tré til fjölskyldna sem hafa ekki einu sinni efni á tré.“
