Það hefur orðið mikil breyting á Tammy undanfarin ár en hún hefur gengist undir mikið þyngdartap. Auk þess hefur hún gengist undir aðgerð til að láta fjarlægja aukahúð en það nýjasta eru glænýjar tennur, en það hefur í mörg ár vantað aðra framtönnina í Tammy.
Tammy og systir hennar Amy eru systurnar frægu í þáttunum 1000-lb Sisters. Þættirnir hafa verið á sjónvarpsstöðinni TLC um árabil og voru systurnar samtals um 1000 pund, eða 450 kíló, þegar fyrsti þátturinn fór í loftið þann 1. janúar 2020. Þær standa þó ekki enn undir nafni og hafa báðar lést mikið.
Tammy var gestur í hlaðvarpsþættinum Creative Chaos í vikunni og sýndi nýja brosið sitt.
Hún sagði að þetta væri enn í vinnslu, hún væri með bráðabrigðabrú og ætti eftir að gera meira. Aðspurð af hverju hún hafi látið verða af þessu eftir öll þessi ár þar sem vantaði tönn sagði Tammy að hún hafi verið orðin þreytt á gagnrýninni og ljótum athugasemdum.
