Kristbjörg hefur verið gift landsliðsmanninum Aroni Einari Gunnarssyni síðan 17. júní árið 2017. Þau eiga saman þrjá syni.
Fjölskyldan hefur búið í Katar frá árinu 2019 þegar Aron Einar byrjaði að spila með liðinu Al Arabi. Samningur hans var að renna út og segir Kristbjörg óvíst hvað sé næst á dagskrá hjá þeim.
„Það hafa margir spurt mig hvað sé fram undan hjá okkur. Hvort við ætlum að vera áfram í Katar, flytja aftur til Íslands eða flytja til annars lands og svo framvegis,“ segir Kristbjörg.
„Stutta svarið er: Ég hef ekki hugmynd! Haha. Samningur Arons við Al Arabi er runninn út svo þeim frábæra kafla er lokið (meira um það síðar í annarri færslu). Svo nú bara bíðum við og sjáum hvort eitthvað spennandi býðst og að við ákvörðum næstu skref.“
„Ef ég á að vera hreinskilin þá mislíkar mér óvissan. Ég er ekki hrifin af því að geta ekki planað fram í tímann, að vita ekki hvort ég sé að koma aftur til Katar eftir sumarið til að kveðja vini okkar, pakka húsinu og flytja, eða ekki. En svona er þetta og við þurfum bara að synda með straumnum,“ segir hún.
„Planið þetta sumar er að reyna að njóta eins mikið og við getum saman, leggja hart að okkur, slaka á, ferðast um Ísland og skapa fleiri minningar með drengjunum okkar, fjölskyldu og vinum. Sjáum hvað framtíðin ber í skauti sér.“
Prófaðu að endurhlaða síðuna ef þú sérð ekki færsluna hér að neðan.
View this post on Instagram
