„Elsku litli Lopi minn er dáinn. Tæplega 10 ára lítill Tjúa strákur með huga ljónsins og passaði okkur öll af hugrekki sínu og elsku. Lopi var lítill keisarastrákur fæddur 18. júní 2014. Hann var mikill karakter og lét okkur heyra það ef við vorum eitthvað að aðhafast sem honum var á móti skapi. Hann átti sérstakt samband við Dullu litlu mömmu sína sem er enn hér og saknar hans mikið,“ sagði Inga í færslu á Facebook-síðu sinni í gærkvöldi.
Inga segir að bað hafi verið eitt af því sem var ekki í uppáhaldi hjá Lopa, en hann var loðinn og þurfti stundum á skolun að halda, segir Inga. Rifjar hún upp að aðeins hún hafi mátt baða hann.
„Í morgun þegar hann var að kveðja þá notaði hann síðustu kraftana til að koma til mín og biðja mig að taka sig í fangið. Elsku litli vinur minn, takk fyrir allar gleðistundirnar, ástina og kærleikann sem við áttum saman. Guð blessi þig.“
