„Kyle, dóttir mín, er látin. Hún sneri mörg ykkar persónulega og önnur á stærri vettvangi,“ sagði móðir hennar, Jaquie Cohen Roth í færslu á LinkedIn.
„Kyle elskaði heitt og lifði af ástríðu. Ég botna ekki í neinu lengur en við munum fá meiri upplýsingar á næstu dögum. Verið góð við hvert annað.“
Systir Kyle, Lindsay Roth, sagði að hún og öll fjölskyldan væru enn „að meðtaka [sviplegt fráfall] hennar og ákveða hvernig við eigum að fagna lífi hennar og heiðra hana almennilega.“
Dánarorsök Kyle hefur ekki verið opinberuð.
Kyle var oft á tíðum frekar umdeild en hún var hvað þekktust fyrir að tjá sig um slúður varðandi fræga fólkið og dreifa kjaftasögum.
Leikkonan Julia Fox skrifaði við færsluna og minntist Kyle. Ég hitti hana aldrei en mér leið eins og ég þekkti hana,“ sagði hún.
„Ég er svo miður mín og hef verið grátandi síðan ég sá fyrstu fréttirnar um þetta á TikTok. Ég vona að hún hafi ekki þurft að þjást og að hún hafi vitað hvernig hún snerti líf okkar. Hún var sólargeisli og ég mun sakna hennar sárt.“
View this post on Instagram
