Leikarinn Sacha Baron Cohen gefur lítið fyrir ásakanir áströlsku leikkonunnar Rebel Wilson og segir þær upplognar.

Rebel gaf á dögunum út ævisögu sína en í einum kafla fjallar hún um „asna“ sem hún starfaði með og hvernig sá hafi hegðað sér illa á tökustað og áreitt hana. Meðal annars með því að biðja hana ítrekað um að koma fram nakta og á einum tímapunkti beðið hana um að stinga fingri sínum upp í endaþarm hans.

Rebel og Sacha Baron léku saman í myndinni Brothers Grimsby sem kom út árið 2016 en skömmu eftir útkomu bókarinnar staðfesti Rebel að umræddu „asni“ væri Sacha Baron.

Þá greindi hún frá því að hann hafi hótað henni með lögfræðingum áður en bókin var gefin út.

Talsmaður Sacha Baron segir, eins og áður sagði, að ekkert sé hæft í ásökununum og fyrir því séu sannanir, meðal annars sjónarvottar og önnur gögn.