Píanósnillingurinn Ben Waters mun halda tónleika í Húsi máls og menningar föstudaginn 23. febrúar klukkan 20. Með honum spilar hinn magnaði Ian Jennings á kontrabassa auk þess sem Beggi Smári & Bex Band leika undir hjá honum. Frítt inn.
Ben Waters spilar boogie-woogie, rokk og ról og blús af gamla skólanum og er um þessar mundir í hljómsveit Ronnie Wood úr Rolling Stones. Auk þess spilaði hann með gítarhetjunni Jeff Beck heitnum og hefur gegnum tíðina leikið með goðsögnunum Chuck Berry, Mick Jagger, Charlie Watts, Jerry Lee Lewis, David Gilmour, PJ Harvey og Ray Davies úr The Kinks svo eitthvað sé nefnt.
Á síðustu 30 árum hefur hann spilað um 250 tónleika á ári um allan heim.
