Leikkonan Anne Hathaway opnaði sig um átakanlega reynslu í forsíðuviðtali í nýju tölublaði Vanity Fair. Þar greinir stjarnan frá því að árið 2015 hafði hún orðið ólétt af sínu fyrsta barni en um svipað leyti landaði hún hlutverki í leikritinu Grounded þar sem hún lék orrustuflugmann sem þarf að endurskoða starfsvettang sinn eftir að hún verður óvart ólétt.
Í sýningunni þurfti Anne að leika fæðingu á hverju kvöldi en það reyndist henni gríðarlega erfitt í ljósi þess að hún upplifði þá miklu sorg að missa fóstur á meðan sýningunum stóð.
Anne lét hins vegar á engu bera og hélt sársaukanum innra með sér en segist hafa liðið vítiskvalir á meðan.
Anne hefur verið gift Adam Shulman síðan 2012 en tveimur árum síðar gekk allt upp og þau eignuðust soninn Jonathan og síðar soninn Jack sem í dag er þriggja ára gamall.