The Swarm er alþjóðlegt stórverkefni frá Viaplay í átta þáttum sem var frumsýnt um helgina. Um er að ræða umhverfisspennutrylli sem kemur úr smiðju aðalframleiðanda Game of Thrones, Frank Doelger. Sænski leikarinn Alexander Karim (The Box, Tyrant) er í aðalhlutverki sem vísindamaðurinn dr. Sigur Johanson.

Meðal annarra þekktra andlita má nefna Cécile de France (Hereafter, Förlorade illusioner), Leonie Benesch (Babylon Berlin, The Crown) og Joshua Odjick (Three Pines).

,,Það hefur aldrei verið mikilvægara en nú að vernda hafið því það skiptir öllu máli fyrir líf á jörðinni,“ segir aðalleikarinn Alexander Karim.

The Swarm er byggð á samnefndri metsölubók Frank Schätzings, sem gefin hefur verið út á 27 tungumálum víða um heim. Þáttaröðin fjallar um hvernig miskunnarlaus misnotkun mannfólksins á heimshöfunum fær náttúruna til að svara í sömu mynt. Ef lífið hófst í hafinu, þá krefst hafið þess að fá lífið á ný. Óþekkt meðvitund sem virðist eiga uppruna sinn í ókunnum undirdjúpum hafsins beitir hafinu til að sýna mannfólkinu hversu háð það er sjónum. Vatn er forsenda lífs á jörðinni, fyrir öflun matar sem og flutninga. Þegar skip farast skýringalaust, skelfiskur verður eitraður, háhyrningar og hvalavöður ráðast á skip og vatnið gerir fólk veikt  neyðast jarðarbúar til að setja traust sitt á lítinn hóp vísindamanna.

Ráðgjafar þáttanna hvað vísindalegu hliðina varðar er heimskauta- og djúpsjávarfræðingurinn prófessor dr. Antje Boetus í Max Planck-stofnuninni, en hann er einnig meðlimur í Konunglegu sænsku vísindaakademíunni, og djúpsjávarfræðingurinn Jon Copley, prófessor við Southampton-háskóla í Englandi.