Söngkonan Þórunn Antonía Magnúsdóttir kveikti svoleiðis í Instagram um helgina þegar hún birti nokkrar myndir af sér úr kynlífstækjaversluninni Adam og Evu.
Á myndunum er söngkonan klædd svörtum undirfatnaði úr versluninni og skrifaði með færslunni: „Stay sexy or die.“
Yfir 820 manns hafa líkað við myndirnar þegar greinin er skrifuð og hafa margir sett eldmerki (e. fire emoji) við færsluna.
Þórunn hefur alltaf verið óhrædd við að koma til dyranna eins og hún er klædd og lætur hneykslun annarra ekki dempa gleði sína.
Í desember 2020 frétti hún af því að mynd af henni hefði sjokkerað vinkonur vinkvenna sinna. Hún greip þá til sinna ráða og birti enn fleiri myndir.
„Ég mun aldrei láta hneykslun annarra dempa minn húmor, mína gleði, minn kynþokka eða mína greind. Kona má vera sexy, kona má líka vera klár, ljóðskáld, djúp, fyndin, ömurleg að elda, samt góð mamma, blíð, töff, alklædd, allsber, mjó, feit, lítil, stór og bara alls konar,“ sagði hún.
