Hrafnhildur Hafsteinsdóttir markaðs- og gæðastjóri Hjallastefnunnar útskrifaðist 12. mars sem dáleiðari frá Dáleiðsluskóla Íslands. Hrafnhildur sem er einnig viðskiptafræðingur að mennt starfaði áður sem framkvæmdastjóri Félags kvenna í atvinnulífinu. Hún var valin Ungfrú Ísland árið 1995.
„Þvílíkt ferðalag þetta nám – þakklát fyrir. Svo sannarlega dýpri þekking á sjálfri mér sem og stórkostleg aðferð í sjálfsvinnu fyrir fólk,“ segir Hrafnhildurí færslu á Facebook.
„Enn eitt verkfærið komið í verkfæratöskuna við að gera það sem mér finnst mest gefandi í lífinu – að hjálpa fólki að vera besta útgáfan af sjálfu sér. Stórkostlegur hópur með mér í náminu ásamt kennurum í Dáleiðsluskóla Íslands sem eru bara snillingar. Vegferðin rétt að hefjast þar sem ég stefni á framhaldsnám.“