Ofurfyrirsætan Naomi Campbell opnar sig um fíknivanda og greinir frá því að eiturlyfjafíkn hennar á tíunda áratugnum varð henni næstum að bana.

Goðsögnin greindi frá þessu í nýrri heimildaþáttaröð frá AppleTV, „The Super Models“.

Hún sagði að hún hafi leitað til kókaíns til að kljást við æskuáföll og andlát vinar hennar og ítalska hönnuðarins, Gianni Versace.

„Ætli sorg hafi ekki verið það sem ég var að reyna að komast yfir þegar ég fyrst byrjaði að nota,“ sagði hún.

„Þú heldur: „Ó, þetta mun lækna þetta sár.“ Það gerir það ekki. Fíknin orsakar svo mikinn ótta og kvíða. Ég varð mjög reið.“

Ofurfyrirsætan barðist við fíknina í fimm ár, á meðan hún var á mjög eftirsótt fyrirsæta og á fullu í bransanum. Hún náði botninum þegar það leið yfir hana í myndatöku og hún fór í kjölfarið í meðferð.

„Það er ekki hægt að fela þetta. Ég var að drepa mig. Þetta var mjög sárt,“ sagði hún.

„Ég ákvað að fara í meðferð og það var það besta sem ég gat gert fyrir mig á þeim tíma.“