Ekki er langt síðan að Khloé Kardashian játaði það loksins opinberlega að hún hafi farið í fegrunaraðgerð á neti.

Engum hafði í raun dulist að hún hefði farið í slíka aðgerð, eða aðgerðir, en hún vildi ekki kannast við það fyrr en nýverið eftir háværar sögusagnir um að hún hafi farið í einhvers konar „andlitságræðslu“ vegna þess hversu mikið útlit hennar hefur breyst í gegn um tíðina.

Nú virðist hún hins vegar gangast stolt við því að hafa farið í nefaðgerð en í gær lofaði hún lýtalækninn Dr. Kanodia á Instagram þar sem hún sagði: „Takk fyrir fullkomna nefið mitt.“

Dr Raj Kanodia hafði þá sent Khloé afmæliskveðju á Instagram en hún fagnaði þá 38 ára afmælinu. Hann skrifaði: „Óska þér hundrað ára af heilsu, hamingju og velgengni“ og Khloé deildi þessum skilaboðum með sínum 258 milljónum fylgjenda.

Það var ekki fyrr en í júní í fyrra sem Khloé játaði að hafa farið í aðgerð á nefi fyrir fjórum árum.

Dr. Kanodia er með aðsetur í Beverly Hills en öll Kardashian-fjölskyldan býr þar í nágrenninu.

Í apríl á þessu ári opnaði Khloé sig síðan um að fegrunaraðgerð á nefi væri „aðgerð sem hún hafði alltaf dreymt um“ og hún „loksins fengið hugrekkið“ til að fara í slíka aðgerð.

Í viðtali við þáttastjórnandann Robin Roberts á ABC sagði Khloé þá: „Alla ævi hefur mig langað í aðgerð á nefi. Alltaf“ og bætti við: „En þetta er á miðju andlitinu á þér og það er óhuggulegt að hugsa um slíka aðgerð. En loksins fékk ég hugrekkið og fór í aðgerðina og ég elska útkomuna.“