Sumir láta drauminn rætast. Angela Rán Egilsdóttir er 18 á íslensk stúlka sem hefur búið með fjölskyldu sinni í Horsens í Danmörku undanfarin tvö ár. Angela hefur alltaf haft gaman af söng og hefur hæfileikana með sér en hefur þó ekki enn ráðist í söngnám.

Angela hefur komist í gegnum nokkrar hindranir í keppninni. Henni tókst að komast í forval frammi fyrir dómara og er hún tók þátt í áheyrnarprufum með dómurum komst hún í hóp þeirra sem fá að keppa í sjónvarpsútsendingunni, á svokölluðu 6 Chairs stigi keppninnar.

Útsendingin verður á TV-2 í Danmörku í kvöld. Þar syngur Angela lagið „Scared to be Lonely“ með Martin Garrix og Dua Lipa.

Angela bjó um tíma á Höfn í Hornafirði og söng töluvert þar í litlum keppnum. Hana langaði hins vegar til að prófa eitthvað stærra og ákvað þess vegna að taka þátt í keppninni í Danmörku.

Þrjátíu og sex manna hópur stígur á sviðið í þættinum.

Þess má geta að TV-2 ræddi við Angelu og fleiri keppendur í aðdraganda útsendingarinnar. Sjá nánar hér.