Tónlistarmaðurinn Ásgeir Trausti Einarsson er byrjaður að slá sér upp með Reykjavíkurdótturinni Karítas Óðinsdóttur. Eins og vant er nú um stundir opinberaði parið sambandið á samfélagsmiðlum en Karítas birti mynd af Ásgeiri Trausta á Instagram-síðu sinni.

Parið byrjaði að slá sér upp í sumar en í maí var greint frá því að sambandi Ásgeir Trausta og fegurðardrottningarinnar Hugrúnar Birtu Egilsdóttur væri lokið.

Ásgeir Trausti hóf nýverið að notast eingöngu við listamannsnafnið Ásgeir. Hann nýtti heimsfaraldurinn til að vinna að nýju efni og gaf á dögunum út smáskífuna Snowblind sem er fyrsta lagið af væntanlegri plötu listamannsins – Time on my hand –  sem kemur út þann 28. október næstkomandi.

Þá vill það þannig til að í dag er um 10 ár síðan að fyrsta plata Ásgeirs,  Dýrð í dauðaþögn, kom út og sló hún gjörsamlega í gegn. Alls hefur platan selst í 40 þúsund eintökum og setið samtals 415 vikur á Tónlistanum sem er yfirlit yfir mest seldu plötur landsins. Í tilefni af tímamótunum verður Ásgeir með afmælistónleika í Hörpu þann 27. ágúst næstkomandi þar sem platan verður flutt í heild sinni ásamt nýju efni.

Karítas er meðan á ferð og flugi með Reykjavíkurdætrum innanlands og utan en sveitin er afar eftirsóttur gestur á tónlistarhátíðum víð um heim. Hún er ekki einhöm í tónlistinni en hún byrjaði feril sinn sem plötusnúður áður en að hún gekk til liðs við Reykjavíkurdætur. Þá hefur hún einnig unnnið að eigin sólóferli og gaf í fyrra út plötuna Eternity.