Fyrir rúmlega viku síðan tilkynnti dóttir hennar, Sami Sheen, að hún væri byrjuð að selja myndefni á síðunni. Faðir Sami, leikarinn Charlie Sheen, var síður en svo sáttur með ákvörðun dóttur sinnar – sem varð átján ára í mars.
Hann sagðist ekki „gefa þessu mína blessun“ og kenndi Denise Richards um ákvörðun dóttur þeirra í yfirlýsingu til E! News. „Þetta gerðist ekki undir mínu þaki,“ sagði hann.
Sjá einnig: Kennir fyrrverandi um að dóttir þeirra sé á OnlyFans
Denise svaraði honum og sagði að það eina sem hún getur gert sem foreldri er að leiðbeina Sami. Það var talsvert fjölmiðlafár í kringum málið, bæði um að Sami væri byrjuð á OnlyFans og um ósætti foreldra hennar.
Leikkonan tjáði sig frekar um málið í færslu á Instagram. „Ég vildi óska þess að ég væri jafn sjálfsörugg og átján ára dóttir mín. Ég get líka ekki dæmt ákvarðanir hennar. Ég var í Playboy og Wild Things, og satt að segja ætti faðir hennar ekki að dæma ákvarðanir hennar heldur,“ sagði hún. Færsluna má lesa hér að neðan.
View this post on Instagram
Hún endaði færsluna á að segja: „Kannski ætti ég að opna eigin aðgang [á OnlyFans].“
Hún hefur nú ákveðið að láta á reyna og tilkynnti í gærkvöldi að hún væri búin að opna OnlyFans síðu.
Mánaðaráskrift kostar rúmlega 3300 krónur og segist Denise persónulega svara öllum athugasemdum og skilaboðum á síðunni. „Mjög spennt að eiga samskipti við ykkur öll,“ segir hún.
„Hæ elskurnar, ég er ennþá að reyna að læra á þessa síðu. Þetta er allt nýtt fyrir mér. Ég er svo þakklát fyrir alla ástina og stuðninginn!“ skrifaði leikkonan í opinni færslu á OnlyFans.
View this post on Instagram
