Frægðarsól Charlie reis á níunda áratugnum, með kvikmyndum eins og Platoon og Wall Street. En hann er hvað best þekktur fyrir geysivinsælu sjónvarpsþættina Two and a Half Men.
Sami, sem er átján ára, tilkynnti í gær á samfélagsmiðlum að hún væri byrjuð á OnlyFans.
„Ég gef þessu ekki mína blessun,“ sagði leikarinn í yfirlýsingu til E! News.
„En þar sem ég get ekki komið í veg fyrir þetta þá hvatti ég hana til að halda þessu snyrtilegu, listrænu og að fórna ekki heilindum sínum.“
Charlie gaf einnig til kynna að þetta væri móður hennar, leikkonunni Denise Richards, að kenna.
„[Sami] er 18 ára núna og býr hjá mömmu sinni. Þetta gerðist ekki undir mínu þaki.“
Denise svaraði ásökunum hans í samtali við E! News.
„Sami er átján ára og hvar hún á heima kom þessari ákvörðun ekkert við. Eina sem ég get gert sem foreldri er að leiðbeina henni og treysta dómgreind hennar, en hún tekur eigin ákvarðanir.“
View this post on Instagram
Sami greindi frá því að hún væri byrjuð á OnlyFans á Instagram í gær. Hún birti mynd af sér í bikiní og skrifaði með: „Smelltu á hlekkinn í bio ef þú vilt sjá meira.“
Denise skrifaði við færsluna: „Sami, ég mun alltaf styðja þig og standa við bak þitt. Ég elska þig.“
Charlie Sheen og Denise Richards voru gift á árunum 2002 til 2006. Þau eiga tvö börn saman, Sami og Lolu Sheen, 17 ára.
