Brasilíska leikkonan og áhrifavaldurinn Carla Diaz varð heldur betur hissa þegar hún sá hvað færsla hennar á Instagram, þar sem hún sýndi fylgjendum hótelherbergið sem hún er að gista á, hafði vakið mikla athygli. Svo þegar hú fór að skoða athugasemdirnar áttaði hún sig á mistökum sínum.

Carla var í sínu fyrsta fríi með kærastanum sínum Felipe Becari og voru þau að gista á hóteli þar sem þau ætluðu að hringja inn nýja árið. Að sönnum áhrifavalda sið ákvað Carla að taka upp myndband þar sem hún sýndi fylgjendum sínum hótelherbergið.

Síðan birti hún færsluna og hugsaði ekki meira út í hana fyrr en hún sá ótrúlega sterku viðbrögðin sem færslan fékk.

Glöggir fylgjendur voru nefnilega ekki lengi að sjá að á náttborðinu var búið að stilla upp túbu af sleipiefni. Einn fylgjandi deildi þessu á Twitter þar sem hann skrifaði: „Hlýtur að hafa verið góð nótt hjá Cörlu Diaz“

Carla ákvað að láta þetta ekkert á sig fá og hló með fylgjendum sínum á Instagram þegar hún áttaði sig á þessu. Hún staðfesti líka að umrædd túba væri vissulega sleipiefni. Síðan deildi hún stuttu myndbandi af sér og kærastanum að mæta á hótelið með textanum: Þarna erum við að mæta á hótelið og við það að uppgötva herbergissýninguna með sleipiefninu. c