Ung kona frá Ástralíu var á tannlæknastofu þegar hún varð fyrir miður skemmtilegri reynslu. Andrea Elena var áreitt af ókunnugum karlmanni á stofu í Melbourne síðastliðinn þriðjudag. Maðurinn reyndi að komast yfir persónulegar upplýsingar um hana og fá hana inn í bílinn sinn.
Andrea útskýrir í myndbandi á TikTok hvernig hún brást við og hafa margir netverjar þakkað henni fyrir góð ráð.
Andrea er hjúkrunarfræðingur og nýtur mikilla vinsælda á samfélagsmiðlum. Hún er með samtals 270 þúsund fylgjendur á Instagram og TikTok.
Andrea segir að hana gruni að maðurinn hafi séð hana koma úr Uber-bifreið fyrir utan tannlæknastofuna.
„Ég var að bíða í móttökunni þegar maður byrjaði að tala við mig og spyrja mig spurninga. Hann spurði mig: „Hvaðan ertu? Hvar áttu heima? Hvar ertu að vinna?“ Hann sagðist síðan ætla að skutla mér heim eftir tannlæknatímann minn og ég sagði nei. Hann sagði þá: „Nei ég ætla að skutla þér heim. Ég keyrði hingað“,“ segir Andrea.
Henni var farið að líða mjög illa í þessum aðstæðum. Hún greip þá til sinna ráða og skrifaði í „notes“ forritið í símanum: „Maðurinn á bak við mig reyndi að fá mig í bílinn sinn“ og rétti starfsmanninum í móttökunni símann.
Hún segir að starfsmaðurinn hafi brugðist hratt við.
„Móttakan lét öryggisvörðinn vita sem fylgdi mér í tannlæknatímann minn, síðan fékk ég frítt far heim með taxa í boði tannlæknisins. Öryggisvörður fylgdi mér í taxann og passaði að ég væri örugg allan tímann,“ segir hún.
Andrea segist afar þakklát fyrir starfsfólk tannlæknastofunnar, Royal Dental Hospital, fyrir viðbrögð þeirra. Hún hvetur konur og stelpur að nota þetta „trix“ ef þær lenda í svipuðum aðstæðum.
@andreaelena66I had 3 nerve / dental blocks that’s why my mouth looks like that ok♬ original sound – Andrea Elena