Fyrrverandi Bachelor-stjarnan Juliette Herrera, 35 ára, opnar sig um hvernig það var að stunda kynlíf í fyrsta skipti eftir tólf ár. Hún viðurkennir að hún hafi þurft aðstoð frá vinkonum sínum þar sem hún var búin að „gleyma hvernig maður stundar kynlíf.“ The Sun greinir frá.
Juliette var keppandi í vinsælu raunveruleikaþáttunum The Bachelor í fyrra. Brottför hennar úr þáttunum vakti mikla athygli og virtist piparsveinninn hafa sent hana heim eftir að hún montaði sig af því að TikTok-stjörnur og rapparar væru að senda henni skilaboð á Instagram.
Juliette ákvað að fara í kynlífsbindindi eftir trúarlega upplifun á ferðalagi um Indland. Á þeim tíma segist Juliette hafa verið „hippi“. Hún stundaði jóga og reiki, en það breyttist eftir að hún kynntist kristinni konu í ferðalaginu.
„Hún bað til Guðs fyrir mig og ég átti mjög fallega upplifun með Guði,“ segir Juliette.
„Þannig byrjaði trúarferð mín og þar með hætti ég að nota fíkniefni, hætti að stunda kynlíf, drekka og breytti algjörlega mínum innri karakter.“
View this post on Instagram
Það var erfitt fyrir Juliette að byrja að deita sem „endurfædd kona í trú“ (e. born-again christian) sem var í kynlífsbindindi. Hún segir að margir karlmenn hafi ekki trúað að henni væri alvara með bindindinu. Með árunum fór hún að hafa áhyggjur að því að það yrði sársaukafullt að stunda kynlíf aftur.
„Þannig þegar þeir hættu með mér þá hugsaði ég: „Ó Guð, af hverju bíður enginn eftir mér? Er ég ekki nógu góð?“ Síðan liðu árin og ég var búin að vera skírlíf í fimm ár, síðan átta ár og svo tíu ár. Á þeim tímapunkti hugsaði ég að ég væri eiginlega orðin aftur hrein mey og það yrði sárt þegar ég myndi svo stunda kynlíf,“ segir hún.
Juliette á nú kærasta og er „loksins virk aftur“ í svefnherberginu. Hún viðurkennir að eftir að vera skírlíf í tólf ár hafi hún gleymt ýmsu og þurft að biðja vinkonur sínar um aðstoð. Hún segist einnig hafa horft á klám til að „vera andlega tilbúin til þess að vera nakin með einhverjum.“
„Vinkonur mínar þurftu að lýsa því í smáatriðum fyrir mér hvernig þetta færi fram og ég var bara að æfa mig á gólfinu,“ segir hún hlæjandi.
View this post on Instagram
