10 ára stelpa endaði á spítala þegar hún hætti að anda eftir að hafa sniffað klórtöflur í bíl foreldra sinna sem nota átti til að þrífa heita pottinn á heimilinu. The Sun greinir frá.
Hún sat í aftursæti bílsins og opnaði pakkann með töflunum og byrjaði strax að eiga í erfiðleikum með að anda. Móðir hennar var að koma yngri systur stelpunnar fyrir í bílstól og bað gangandi vegfarendur um að hringja á sjúkrabíl.
„Hún kom ekki orðunum frá sér. Hún var að reyna að ná andanum og var grátandi. Ég var að spyrja hana: „Hvað er að“ og bað svo fólk um að hringja á sjúkrabíl,“
Andlit stelpunnar varð blátt og var móðir hennar ráðalaus. Maður sem tók eftir öllum látunum kom hlaupandi með krap og helti upp í stelpuna og við að hósta því upp náði hún andanum á ný.
Bráðaliðar halda að töflurnar hafi bráðnað í pokanum í hitanum og þegar stelpan opnaði hann hafi hún strax fengið gufur úr töflunum í öndunarveginn.