Vanessa og Kerissa D’Arpino eru eineggja tvíburasystur og mjög nánar. Eins og með marga tvíbura hafa þær svipuð áhugamál og svipaðan smekk. Þær starfa báðar sem einkaþjálfarar og það var í gegnum vinnuna sem þær fundu báðar ástina.
„Sagan um það hvernig við kynntust er mjög einstök. Einn af skjólstæðingum mínum er hjúkrunarfræðingur sem hafði séð um Lucas á gjörgæslunni. Hún sagði mér að hann væri tvíburi og hún taldi að hann og bróðir hans væri fullkomnir fyrir mig og tvíburasystur mína,“ segir Vanessa.
Vanessa leyfði skjólstæðingi sínum að gefa þessum Lucas númerið hennar og hann hafði samband daginn eftir. Þau skipulögðu tvöfalt stefnumót og það varð hreinlega ást við fyrstu sín.
Lucas og Jacob bróðir hans eru líka eineggja tvíburar. Jacob fæddist á undan og hann féll strax fyrir Kerissu sem fæddist líka á undan systur sinni. Vanessa og Lucas fundu svo strax fyrir sterkri tengingu.
„Okkur datt aldrei í hug að við yrðum ástfangnar af öðrum tvíburum,“ segir Vanessa.
„Það var mjög spennandi þegar við hittumst öll á þessu fyrsta stefnumóti,“ segir Kerissa. „Þeir segja að þegar þú vitir það, þá vitir þú það og við fundum strax fyrir tilfinningum og féllum hratt fyrir þeim. Því meira sem við töluðum saman því betri varð tengingin og við vissum að þessu var bara ætlað að verða“
Þremur mánuðum seinna ákváðu þau að flytja inn saman. Öll fjögur. Þegar þau fara saman út á lífið þá reka margir upp stór augu.
„Auðvitað getum við þekkt hvert annað í sundur svo við ruglumst ekkert en í augum ókunnugra á almannafæri þá er það eins og fólk sjái tvöfalt. Þar sem við erum tvö sett af eineggja tvíburum þá getur verið mjög erfitt fyrir aðra að þekkja okkur í sundur. Við erum öll bestu vinir og okkur semur öllum svo vel. Núna þegar við búum öll saman þá erum við nánari en nokkru sinni fyrr. Við elskum að eyða tíma saman og það er alltaf gaman hjá okkur.“
Þó að samböndin séu enn tiltölulega ný af nálinni sjá stelpurnar fyrir sér að gifta sig í framtíðinni.
„Vinir okkar og fjölskylda segja að við höfum funduð klónin okkar af gagnstæðu kyni og að við séum klárlega gerð fyrir hvert annað. Hjónaband er ofarlega á forgangslistanum í framtíðinni. Við erum ekki viss um að við viljum gifta okkur á sama tíma, að minnsta kosti ekki að svo stöddu en allir eru að segja okkur að gera það, en er ekki alltaf betra að hafa tvö partý í staðinn fyrir eitt?“
