Þegar hin níu ára gamla Victory Brinker mætti í áheyrnarprufur fyrir America’s Got Talent sagðist hún hafa það að markmiði að fá fjögur já frá dómurunum en hún bjóst líklegast ekki við því að ná að toppa markmið sitt.

Þrátt fyrir ungan aldur er Victory feikigóð óperusöngkona. Hún náði að heilla alla dómarana upp úr skónum með ansi heillandi flutning á laginu „Juliet’s Waltz“ úr óperunni um Rómeó og Júlíu.

Simon Cowell, einn dómari þáttanna sem þekktur er fyrir að vera ansi harður í horn að taka, vissi að allir dómararnir voru búnir að gefa sinn gullhnapp sem hleypir keppendum beint áfram í sjónvarpið og þurfti því aðeins að fara út fyrir kassann til að verðlauna Victory fyrir flutning sinn.

Hann kallaði Terry Crews, kynni America’s Got Talent, til sín og ræddi málin við hann og hina dómarana. Þeir komust að þeirri niðurstöðu að gefa Victory einn gullhnapp öll saman. Þetta er í fyrsta sinn í sögunni sem þetta gerist.

Flutning Victory má sjá í heild sinni hér fyrir neðan.