Stundum verður stormur á Twitter af litlu tilefni og það gerðist í hádeginu í dag. Magnús Ragnarsson, sjónvarpsstjóri Símans og kvikmyndaleikari, hnýtti þá í afgreiðslufólk. Það sem pirrar Ragnar í fari þess er sú tilhneiging að kveðja viðskiptavini með kveðjunni „Eigðu góðan dag“ sem er þýðing á ensku kveðjunni „Have a nice day“.

Magnús segir: „Kæra afgreiðslufólk. Vinsamlega látið af þessu enskuskvaldri ykkar um að eiga góðan dag.“

Kæra afgreiðslufólk. Vinsamlega látið af þessu enskuskvaldri ykkar um að eiga góðan dag.

— Magnus Ragnarsson (@MagnusRagnars) June 6, 2021

Óhætt er að segja að þetta hafi fallið í grýttan jarðveg hjá fylgjendum Magnúsar á Twitter. Lóa segir: „Öllu er nú hægt að tuða yfir, meira að segja kurteisi.“

Hallgrímur tekur í svipaðan streng: „Ég var að logga inn og sé strax að þú ert ekki að eiga mjög góðan dag á forritinu.“

„Eru menn að eiga slæman dag?“ spyr Bragi Þór en eitruðustu pilluna fær Magnús líklega frá Þossa, sem segir:

„Þetta er mest pirrandi tíst dagsins, það er ágætis regla að vera ekki pylsufasisti. Að leggja sig fram við að skilja fólk er alltaf betra en að pirra sig á framburði, að vera næs kemur málfræði ekkert við.“

Þetta er mest pirrandi tíst dagsins, það er ágætis regla að vera ekki pylsufasisti. Að leggja sig fram við að skilja fólk er alltaf betra en að pirra sig á framburði, að vera næs kemur ekki málfræði við.

— Þossi (@thossmeister) June 6, 2021