Farrah Fawcett var bandarísk leikkona, fyrirsæta og listakona. Þó svo að þú hafir ekki séð neina kvikmynd sem Farrah lék í þá þekkirðu hana alveg örugglega sem konuna á vinsælasta plakati heims. Farah var lengi dáð í Hollywood en hún fékk stóra tækifærið í leiklistinni sama ár og plakatið birtist, þegar hún fékk hlutverk í upphaflegu Charlie´s Angels þáttunum.
View this post on Instagram
Farrah sat fyrir í rauðum sundbol árið 1976. Myndin var prentuð á plaköt og seldust yfir tólf milljónir eintök.
En það var ein manneskja sem var skelfingu lostin þegar hún sá myndina. Það var hönnuður sundbolsins.
Sundfatahönnuðurinn Norma Kamali var ekki sátt við myndina. Hún útskýrir af hverju í hlaðvarpsþættinum Behind the Velvet Rope.
„Ég hef unnið með svo mörgum og Farrah var mjög góður viðskiptavinur. Hún var eins falleg að innan og að utan, alveg virkilega yndisleg manneskja,“ segir Norma í þættinum.
Norma segir að Farrah hefði verslað reglulega hjá henni í gegnum árin en hún „hafði ekki hugmynd um að hún hefði keypt þennan sundbol.“
„Ég var skelfingu lostin þegar ég sá plakatið. Því ég gerði margar prófanir og prófaði þessa týpu. Ég gerði sex sundboli og setti þá í búðina og hugsaði: „Ég ætla ekki að gera þennan aftur, hann er ekki nógu góður.“ Hann er það ekki. Ég var ekki ánægð með hann,“ viðurkennir Norma.
View this post on Instagram
„[Þegar ég sá plakatið] hugsaði ég: „Ha? Hver? Guð minn góður.“ Af hverju þessi sundbolur af öllum? Farrah var ekki með heilt teymi að hjálpa við myndatökuna. Þetta var bókstaflega bara hún og ljósmyndarinn.“
Til allrar óhamingju fyrir Normu varð myndin að vinsælasta plakati í heimi. „Sundbolurinn hafði ekkert með velgengni plakatsins að gera, ég get sagt ykkur það,“ segir Norma.
Fjöldi fólks vildi kaupa sundbolinn og tókst Normu að laga nokkur smáatriði áður en hún setti hann aftur í sölu.