Vika er 22 ára rússnesk kona, búsett í Rússlandi ásamt eiginmanni sínum og barni. Hún heldur úti nokkuð vinsælli YouTube-rás, Minimal Russian Girl þar sem hún sýnir frá lífi sínu. Hún aðhyllist svokallaðan mínímalískan lífsstíl.
Í nýlegu myndbandi leyfði hún áhorfendum að sjá íbúð hennar, en hún segir íbúðina vera mjög hefðbundna fyrir Rússa.
Vika býr í níu hæða blokk. Þessar blokkir eru mjög algengar í Rússlandi og kallast „devyatietazhka“. Þær voru byggðar á tímum Sovétríkjanna alls staðar um Rússland.
„Hún er gamaldags og það þarf klárlega að gera hana upp, eins og með flestar rússneskar íbúðir. Þannig ég held að þetta sé mjög hefðbundinn staður til að búa á í Rússlandi,“ segir Vika.
Myndbandið hefur fengið tæplega tvær milljónir í áhorf. Horfðu á það hér að neðan.
