Lauren de Laey, 25, ára segist hafa verið niðurlægð af vinnuveitanda sínum, Andrew Hill, eftir að hún varð ólétt. The Sun greinir frá.

Lauren er hársnyrtir og starfaði á hárgreiðslustofu Andrews. Hún hefur nú stefnt honum fyrir dóm og sakar hann um mismunun á grundvelli kyns.

Í kæruskjalinu kemur fram að meðal þess sem Lauren sakar Andrew um að hafa gerst sekur um er að gera grín að klippingu hennar fyrir framan samstarfsmenn hennar. Mun Andrew hafa sagt að klippingin minnti á persónuna Vicky Pollard úr grínþáttunum Little Britain.

Aðrir stjórnendur á staðnum munu að auki hafa látið Lauren þrífa upp hundaskít fyrir utan stofuna með eftirfarandi útskýringu: „Þú átt eftir að þurfa að hreinsa barnaskít og þetta er alveg eins og það.“

Lauren sagði eftir hundaskíts atvikið í janúar 2017. Samkvæmt kæruskjalinu var Lauren látin undirgangast hæfnispróf þegar hún hóf störf á stofunni og stóð húan sig þar mjög vel. En eftir að hún greindi frá óléttu sinni hafi henni verið sagt að hún hafi staðið sig illa. Því telur Lauren að hún hafi orðið fyrir mismunum á grundvelli þess að vera kona og á grundvelli þess að hafa orðið ólétt.

Hársnyrtistofan neitar ásökununum.