Marcus Rashford og aðrir leikmenn svokallaðs „Bomb Squad“ Manchester United eru ólíklegir til að snúa aftur á Old Trafford, þrátt fyrir brottrekstur Ruben Amorim.
Rashford ásamt liðsfélögum sínum Jadon Sancho, Rasmus Højlund og André Onana fengu allir leyfi til að fara á lánssamninga á 14 mánaða valdatíma Amorim hjá Manchester United, sem lauk á mánudag.
Þrátt fyrir að Amorim sé nú farinn er talið ólíklegt að staða þessara leikmanna breytist í kjölfarið.
Samkvæmt enskum blöðum voru ákvarðanirnar um að senda leikmennina á lán ekki eingöngu teknar af Amorim sjálfum heldur af stjórn félagsins.
„Þetta voru ákvarðanir sem félagið leiddi, ekki bara knattspyrnustjórinn,“ sagði heimildarmaður.
Rashford skoraði í fyrsta leik Amorim við stjórnvölinn gegn Ipswich í nóvember 2024 en missti fljótlega hylli hans. Hann var meðal annars skilinn eftir utan hóps í borgarslagnum gegn Manchester City mánuði síðar, þar sem Amorim gagnrýndi framkomu hans.
