Carole Baskin skaust upp á stjörnuhimininn í mars árið 2020 þegar þættirnir Tiger King: Mayhem and Madness komu út á Netflix. Kórónuveiran var nýkomin á stjá og fólk svoleiðis hámaði þættina í sig, margir hverjir á aðeins einum degi.

Carole Baskin var ekki vinsæl meðal áhorfenda þáttana og var hún máluð upp sem vondi kallinn í þeim. Hún var meðal annars sökuð um að myrði fyrrverandi eiginmann sinn og gefa tígrisdýrum líkamsleifar hans að borða.

Í viðtali við bresku sjónvarpsstöðina ITV segir Carole að síminn hennar hafi ekki hætt að hringja í þrjá mánuði samfleytt og hún fengið fjölda dauðahótana.

„Fleiri og fleiri eru að átta sig á því að framleiðendur þáttana höfðu engan áhuga á sannleikanum. Þetta eru ekki heimildarþættir því í heimildaþáttum er venjulega leitað að sannleikanum en þeir höfðu engan áhuga á honum, þeir höfðu aðeins áhuga á því að framleiða sem mest krassandi efni,“ segir Carole.

Joe Exotic eða tígrisdýrakóngurinn var aðalumfjöllunarefni þáttana en fylgst var með honum og lífi fólks í dýragarði hans. Carole er dýraverndunarsinni og vildi loka dýragarði hans og sakaði hann um dýraníð. Að lokum var Joe dæmdur í 22 ára fangelsi, meðal annars fyrir að skipuleggja morð á Carole.