Josh Waters, 29 ára gamall smiður, býr í Barry í suður Wales með eiginkonu sinni, ráðgjafanum Annie Rees-Smith, og þriggja ára dóttur þeirra. Þau hlakka til jólanna en kannski ekki af sömu ástæðu og aðrir.

Í samtali við The Sun segir Annie nefnilega hvað hún ætlar að gefa Josh í jólagjöf um jólin en það er sama jólagjöf og hann fékk í fyrra, kynlíf.

Josh útskýrir hvers vegna hún gefur honum þessa jólagjöf. „Við erum með mismunandi stíl í rúminu og höfum verið þannig síðan við byrjuðum saman í nóvember árið 2016,“ segir hann. „Annie vill vera snögg en ég vil eyða aðeins meiri tíma í fjörið.“

Parið frá Wales segist ekki ná að stunda kynlíf eins oft og þau vilja þar sem þau eru foreldrar mjög fjörugs krakka á leikskólaaldri. „Eins og flestir aðrir foreldrar á jóladag erum við dregin úr rúminu eldsnemma af barninu okkar svo hún geti staðfest að jólasveinninn hafi mætt á svæðið,“ segja þau.

„Við erum alltaf með fjölskyldumeðlimi í heimsókn hjá okkur um jólin eða við erum þá í heimsókn hjá þeim. Svo fyrst við erum með barnapössun þá elskum við að læðast aftur í rúmið fyrir gjöfina – kynlífið. Þetta er eini dagurinn sem ég veit að Annie mun ekki kvarta út af því ég er of lengi og ég veit að við hún er ekkert að drífa sig.“

Á meðan þau njóta ásta þá eru ættingjar þeirra að elda og passa dóttur þeirra. „Við nýtum okkur þennan eina dag á árinu þar sem við þurfum ekki að vinna eða hugsa um barnið okkar og getum einbeitt okkur að hvoru öðru. Það kveikir í okkur að daglega stressið hverfi með hjálp ættingjanna.“

Þau segja að ættingjarnir viti alveg hvað sé í gangi þegar þau skreppa í svefnherbergið. „Þau brosa bara og blikka okkur þegar þau sjá okkur loksins koma út… ég roðna meira en þau,“ segir Annie.