Laufey Rún Ketisdóttir (33), lögfræðingur og fyrrum aðstoðarmaður Sigríðar Andersen og núverandi starfsmaður þingflokks Sjálfstæðisflokksins, og Bergþór Ólason (46), viðskiptafræðingur og þingmaður Miðflokksins, eiga von á barni.
Laufey tilkynnti þetta á Instagram í gærkvöldi.
Bergþór var aðstoðarmaður Sturlu Böðvarssonar samgönguráðherra árin 2003-2006 svo Laufey og Bergþór eiga margt sameiginlegt þó flokksskirtieinið skilji þau að, en Laufey var aðstoðarmaður Sigríðar Á. Andersen, fyrrverandi dómsmálaráðherra.
Bæði voru þau virk í starfi Sambands ungra sjálfstæðismanna (SUS) á sínum yngri árum. Berþór var í stjórn sambandsins á árunum 1999-2005 og Laufey sat stjórn sambandsins frá 2010 og var formaður þess á árunum 2015-2017.
Laufey og Bergþór hafa þekkst lengi en sambandið er tiltölulega nýtt. Fyrstu fregnir um samband þeirra bárust í mars 2021. Þrátt fyrir að starfa í sitthvorum flokknum hafa þau lengi vel átt skap saman og kristallast það í ástinni sem vaknaði með hlýrri vorstraumum.
Fókus óskar parinu innilega til hamingju.