Svona hefst færsla sem Gunnar Helgason, rithöfundur og leikari, skrifaði og birti á Facebook-síðu sinni í dag. Tölvupósturinn sem um ræðir kom frá Boel Westin en sá er yfir dómnefnd Astrid Lindgren minningarverðlaunanna. Í tölvupóstinum kom fram að Gunnar er tilnefndur til verðlaunanna árið 2022.
„Þú ert tilnefndur. Til hamingju! Þessi tölvupóstur er staðfesting á því að þú hefur verið tilnefndur til Astrid Lindgren minningarverðlaunanna árið 2022 og þessi tilnefning hefur verið samþykkt af dómnefnd verðlaunanna,“ segir meðal annars í póstinum.
Þrátt fyrir að hafa verið tilnefndur til verðlaunanna er Gunnar ekki vongóður um að vinna þau. „Það er auðvitað engar líkur á að vinna en heiðurinn er nægur sigur,“ segir hann í færslunni.
Auk Gunnars er Brian Pilkington tilnefndur fyrir Íslands hönd. „Það er nú ekki amalegur félagsskapur,“ segir Gunnar um það í lok færslunnar.
