Kona sem var viðmælandi á sjónvarpsstöðinni BBC Wales hefur vakið mikla athygli eftir viðtal sitt um atvinnuleysi á tímum Covid. Ástæðan er því miður ekki athyglisverð umræða, heldur hvað hillur hennar hafa að geyma.
Yvette Amos kom fram í Today á þriðjudaginn til að ræða um upplifun sína af atvinnuleysi á tímum kórónuveirufaraldursins. En áhorfendur áttu erfitt með að einbeita sér að því sem hún var að segja, öll athygli beindist að einum hlut í hillunni á bak við hana. Í hillunni mátti sjá bækur, möppur og kassa, en einnig stóran gervilim.
Blaðamaðurinn Grant Tucker deildi skjáskoti úr viðtalinu á Twitter og sló á létta strengi.
„Kannski besti bakgrunnur hjá gesti á BBC Wales í kvöld. Kíkið alltaf í hillurnar áður en þið farið í loftið,“ segir hann.
Perhaps the greatest guest background on the BBC Wales news tonight. Always check your shelves before going on air. pic.twitter.com/RK6GCiFuHk
— Grant Tucker (@GrantTucker) January 26, 2021
Það er óhætt að segja að Yvette hefur slegið í gegn hjá netverjum. „Kona verður bara að gera það sem hún þarf að gera ef hún er ein heima og það er útgöngubann,“ skrifaði einn netverji.
Maður að nafni John sagðist hafa lent í því sama. Dóttir hans sendi honum kort, og hann lét taka mynd af sér með kortið til að þakka henni fyrir. Þegar betur var gáð áttaði hann sig á því að hann þyrfti að klippa myndina, þar sem í bakgrunn má sjá hlut sem hann ætlaði alls ekki að hafa með á myndinni.
Sérð þú hvað það er á myndinni hér að neðan? Einn netverji bar það saman við „Hvar er Valli?“ að leita að gervilimnum í bakgrunninum.
Happened to me, was meant to be a thank you pic to my daughter for the card. Had to crop it 😬 pic.twitter.com/wWyoF5f2qa
— John ⚒ (@John22321537) January 27, 2021
