Kristján Einar Sigurbjörnsson reis hratt upp á stjörnuhimininn þegar hann byrjaði í sambandi með einni ástsælustu söngkonu Íslands, Svölu Björgvinsdóttur. Það vakti mikla athygli þegar fjölmiðlar fóru að fjalla um óuppgerða fortíð Kristjáns en hann var í lok síðasta árs ákærður fyrir að hóta lögreglumönnum lífláti. Þá hefur hann fengið dóm fyrir líkamsárás, vopnalagabrot og vörslu á fíkniefnum.

Svo virðist vera sem Kristján hafi farið í yfirhalningu á samfélagsmiðlinum Instagram en hann er nokkuð vinsæll á miðlinum. Áður var aðgangsnafnið hans kristjaneinar98 en nú hefur hann breytt því í k.l.e.i.n.i. Vísar hann þar í viðurnefnið Kleini sem festist við hann á yngri árum í kjölfar þess að hann stalst í kleinur sem frænka hans bakaði.

„Þegar ég var yngri átti ég það oft til að hjálpa ömmu Svönu að baka kleinur og segjum sem svo að ef við ætluðum að baka hundrað kleinur varð hún alltaf jafn hissa þegar aðeins sjötíu kleinur skiluðu sér úr bakstrinum. Eftir að föðurbróðir minn sá mig svo stela kleinum hægri, vinstri, ákvað hann að byrja að kalla mig Kleina og það bara festist við mig,“ sagði Kristján um viðurnefnið í samtali við Fréttablaðið í janúar á þessu ári.