Pistill Mörtu Guðjónsdóttur, borgarfulltrúa Sjálfstæðisflokksins, vakti mikla athygli í gær. Pistillinn fjallaði um Gísla Martein en í henni kallar hún hann meðal annars „pjakk“ og „prinsessu“. 

„Þú hefur verið óvenju drjúgur með þig þessa dagana, pjakkurinn þinn, og er þá mikið sagt,“ segir Marta í upphafi pistilsins. Þessi orð eru gripin af mörgum grínistum á samfélagsmiðlinum Twitter í gær en einn þeirra sem birti færslu og notaði svipað orðalag er grínistinn Vilhelm Neto.

„Þessi kona arkar inn í herbergið þitt og segir að þú sért búinn að vera óvenju drjúgur með þig þessa dagana, og þá sé mikið sagt. Hvað gerir þú, pjakkurinn þinn?“ spyr Villi og birti mynd af Mörtu með færslunni. Færsla Vilhelms hefur vakið þó nokkra athygli en þó er eitt svar við færslunni sem hefur komið mörgum í opna skjöldu.

Svarið sem um ræðir kemur frá engum öðrum en Bubba Morthens, einum ástsælasta tónlistarmanni þjóðarinnar. „Ég lofa strax að hætta að hætta fróa mér,“ skrifaði Bubbi í athugasemd við færsluna en hann hefur fengið mikla athygli á skömmum tíma fyrir svarið. Þá vakti Hringbraut einnig athygli á athugasemdinni.

Hér fyrir neðan má sjá færslurnar sem um ræðir:

Ég lofa strax að hætta að hætta fróa mér 😩😩😩😩

— Bubbi Morthens (@BubbiMorthens) April 29, 2021