Breskt par hefur fengið háa sekt fyrir að reyna að krydda upp á tilveruna í utanlandsferð í Barbados. Andrew Luker og Julia Knightley voru á hótelinu sínu að bíða eftir niðurstöðum úr skimun. Þau voru því í einangrun og máttu ekki fara af hótelherbergi sínu, né fá neinn í heimsókn. Skötuhjúin ákváðu þrátt fyrir það að bjóða konu til sín svo þau gætu farið í trekant. Kona þessi var gripinn við það að klifra yfir girðingu á hótelinu þegar hún ætlaði til þeirra. Bresk Götublöð greina frá þessu.
Niðurstaða dómara í málinu var sú að Andrew Luker og Julia Knightley munu hvort um sig þurfa borga 2200 punda sekt, og 7000 punda veð til að komast úr haldi lögreglu. Samanlagt gerir það hátt í tvær milljónir króna. Borgi þau ekki gjaldið innan sjö daga eiga þau yfir höfði sér níu mánaða fangelsisdóm.
Fyrir dómi sögðust þau iðrast gjörða sinna. Julia sagðist hafa verið meðvituð um að þau mættu ekki fara út úr hótelherberginu, en hélt að þau mættu fá fólk í heimsókn. Andrew sagðist sjá eftir þessu og baðst afsökunar.
Áður enn dómari felldi dóm yfir þeim sagði hann að þau hefði auðveldlega getað ollið svakalegu hópsmiti hefðu þau smitað konuna. Barbados er álíka fjölmennt og Ísland, en landið hefur þótt taka mjög vel á veirunni, en þar hafa einungis verið sjö dauðsföll.
Sjá einnig: Utanlandsferðin breyttist í martröð – Zara handtekin en segir málið byggt á misskilningi
Sami dómari leyfði raunveruleikastjörnunni Zöru Holland og unnusta hennar að sleppa með sekt fyrir brot á sóttvarnarlögum í Barbados um daginn. Málin tvö eru ansi lík.
Bresk götublöð hafa fjallað mikið um málið parsins, og hafa rifjað upp myndir af Juliu, sem vöktu mikla athygli fyrir nokkrum árum. Myndirnar notaði hún til að auglýsa fyrirtæki sitt sem sér um fegrunarmeðferðir. Myndirnar þóttu kynferðislegar og málið endaði með því að Julia baðst afsökunar.