Alexandra Kuri hefur fengið mikið hrós eftir svar hennar við óumbeðni typpamynd sem hún fékk senda.

Alexandra, sem er frá Norður-Yorkshire á Englandi, deildi sögunni á Twitter-síðu sinni og fékk tístið mikla athygli. Yfir 700 þúsund manns hafa sett hjarta við færsluna auk þess sem fjölmiðillinn DailyMail fjallaði um málið.

Þegar Alexandra fékk typpamyndina senda í gegnum SMS-skilaboð þá ákvað hún að þykjast vera með sjálfvirkan svarara. „Við höfum tekið eftir því að óumbeðin klámfengin og mögulega ólögleg mynd hafi verið send [kóði:36489-a] og IP-talan á tækinu þínu hefur verið send til lögreglunnar til frekari rannsóknar. Ef þú heldur að um mistök sé að ræða, skrifaðu STOPP,“ sendi Alexandra á manninn sem sendi henni typpamyndina.

„Ég er í sjöunda himni með þetta, hann kúkaði í sig“ skrifaði Alexandra með tístinu. Á Twitter hafa margir hrósað Alexöndru fyrir svarið hennar og segjast einhverjar konur ætla að gera hið sama næst þegar þær fá senda óumbeðna typpamynd. „Þetta er það snjallasta sem ég hef séð í marga mánuði, vel gert að bregðast svona við þessu ógeði,“ sagði ein kona. „Ég vildi að mér hefði dottið þetta í hug,“ sagði önnur.

Hér má sjá tístið sem um ræðir.

absolutely thrilled with this he’s shite himself pic.twitter.com/Qh1fu6OdfL

— three steaks pam (@alexandrakuri) September 6, 2020