Veiran hefur mestmegnis fært heiminum böl að undanskildum auknum samverustundum fyrir þá sem búa svo vel að vilja auka samveru með fjölskyldunni og auðvitað hreinlæti.
Það sem faraldurinn hefur kennt okkur er meðal annars alls kyns undarleg nýyrði eins og smitbit (samviskubit yfir að hafa smitast), smitskömm, sóttkvíði, margmennisskömm, faraldursþreyta, faðmflótti, samkomusýki, Sóttólfur, bannbugun, skjáumst og kófið. Spurning hvað landsmenn þurfa að muna þessi orðskrípi lengi.
Kannast þú lesandi kær við fleiri Covid-orðskrípi ? Ef svo er máttu gjarnan skrifa þau hér að neðan.
